THIRD PERSON'S POV
“KUMAIN KA nang kumain, Xyro,” wika ng papa ni Ana sa kaniyang kaibigan na nakaupo ngayon sa kaniyang tabi. Pasado ala-una at ngayon pa lang sila kumakain dahil tinanghali nga sila sa pamamalengke kanina. Anong oras na rin silang nakauwi. Ang papa ni Ana ang siyang naghiwa ng isang buong manok na nabili nila kina Lloyd at ginawang adobo. Marunong naman kasi ang kaniyang ama, hindi niya alam kung bakit pa namomroblema ang mama niya kanina sa palengke, eh sisiw lang iyon pagdating sa kaniyang papa. Ayaw lang talaga kasi ng mama niya na nagluluto pa ang papa niya dahil pagod na raw ito sa bukid.
Eh kung wala na talagang choice? Alangan naman hayaan nila na si Xyro ang maghiwa? Anong alam ng lalaki roon?
Ito namang si Xyro, hindi maintindihan ni Ana kung bakit ayaw magpat
