Naglakad ito palapit sa akin. Lalo akong tinubuan ng ugat sa kinatatayuan ko. Ang akala ko ay hindi niya ako ulit papansinin katulad ng nangyari kaninang umaga.
Tumayo ito sa harapan ko. Medyo napatingala pa ako sa kaniya dahil sa katangkaran niya.
"K-ken.."
Bumaba ang mga mata ko nang may iabot siya sa akin. Nakita ko ang tatlong gold tickets na hawak niya. Bumalik ang tingin ko sa kaniya.
"Tickets for our game tomorrow. You can bring your friends." Diretso at walang emosyon ang mukha nito.
Nalungkot ako sa nakikita ko. Ngayon ko lang nakita ang isang Ken na walang emosyon. Ako ba ang may gawa nito? Nainis ba siya sa mga sinabi ko kaya ganito na siya sakin ngayon?
Hindi ko tinanggap ang ticket. Hindi ko kayang manood sa kanila kung ganitong magkagalit kami. Gusto ko siyang suportaha
