NATAGPUAN ni Laya ang sarili sa loob ng isang silid, walang gamit sa loob niyon maliban sa isang ilaw na nagmumula sa bombilya na nakatali pababa mula sa kisae, isang mesa at upuan. Natigilan siya nang mapansin ang isang pares ng paa na nakaupo doon. Hindi niya makita kung sino ang nagmamay-ari niyon dahil nakatago sa dilim ang mukha nito.
“Kumusta ka na, Laya?”
Her chest started to palpitate when she recognized the voice immediately. Gumapang ang kilabot sa katawan niya nang bigla itong tumayo. Nakumpirma niya ang hinala nang tumayo ito at mailawan ng mukha nito.
“J-Jim?”
Napasigaw siya sa takot nang hablutin siya nito sa braso at hinila palapit.
“Hindi mo ako basta puwedeng kalimutan, Laya. Nakalimutan mo na ba? Ako ang
