Kathleen's Pov:
Tumaas ang kilay ko nang muling umulan ng mga baraha. Dinalawang kamay ko ang pagkakahawak sa katana ko. Ini-level ko iyon sa may dibdib ko habang ang talim niyon ay pa-slant na nakatutok sa kaliwa ko. Marahang inihakbang ko ang mga paa ko at nananantiyang nakatingin sa paligid.
Agad na umikot ako at inatake ang lalaking nasa likuran ko at nagtatago sa mga baraha n'ya.
Naipit ang talim ng katana ko sa dalawang may kalakihang barahang hawak ni Ashton. Nagawa din n'yang iiwas ang sandata ko sa mukha n'yang puntirya ko talaga.
Ikiniling pa ng lalaki ang ulo n'ya, nanghahamon ang mga mata n'yang nakatingin sa akin. Hindi ko din gusto ang pagkakangisi n'ya.
Umismid ako kasabay ng pagbwelo ng katawan ko. Itinusok ko ang sandata sa sahig at gamit iyon ay iniangat ko ang sari
