Donna's Pov:
Ilang beses ko pang sinuri ang sarili ko sa salamin. Umikot pa ako para tingnan kung bagay sa akin ang napili kong isuot na damit.
Biyernes ngayon at ito na ang huling araw na pagbibigyan ko ang sarili ko. Huling araw kung kailan ay susundin ko ang isinisigaw ng puso ko.
Napatingin ako sa wall clock. Alas kwatro pa lang ng hapon at may tatlumpung minuto pa ako para sa nakatakdang oras ng pagkikita namin.
"Parang may kulang..." Kausap ko sa sarili ko habang nakatingin sa salamin. Kinulot ko din ang dulo ng buhok ko. Kahit paano ay naglagay ako ng pulbos at kinulayan ko din ang labi ko. Gamit ko din ang pabangong si Crayon mismo ang nagbigay.
"Makikipag-date ka ba?" Lumabas mula sa bathroom si Fhaye.
Nahihiyang tumango ako. "Pwede bang tulungan mo ako? Okay na ba ang suot
