“Sigurado ka na ba? Uuwi ka na talaga?”
Napatawa si Carmela buhat sa dalawang tanong na iyon sa kanya ni November habang hawak nito ang kanyang mga kamay. Hinatid siya nang mag-asawa sa bus terminal matapos niya biglaang sabihin sa mga ito na bibyahe na siya pauwi. Tapos na ang hiningi niyang isang linggong leave—na biglaan pa nga kaya kailangan na rin talaga niyang bumalik.
Nang maisip niya si Jiro ay hindi niya naiwasang mapabuntong-hininga.
“Bumubuntong-hininga ka? Iniisip mo siya ano?”
Dumapo ang kanyang mga mata sa bestfriend niya. Napanguso ito at mas lalo pang hinigpitan ang pagkakahawak sa dalawa niyang kamay.
“Kaya mo na ba? Handa ka na ba?” mga dagdag tanong pa nito.
Hindi niya alam kung ano ang tamang itutugon sa mga tanong nito kaya matapos niya marahang tumango ay nasund
