Naipilig ni Jiro ang ulo nang muling maalala ang araw na kanyang sinadya si attorney Garcia sa mismong opisina nito. Wala naman siyang naramdaman na pagsisisi sa ginawa niya at mga sinabi sa abugado matapos niyang malaman na nagpunta ng Maynila si Carmela. Pero hindi niya mapigilang hindi bahagyang mapangiwi dahil sa bilis ng kanyang mga sinabi—pero hindi pa rin niya pinagsisisihan iyon. Paninindigan niya ang mga salitang binitawan niya sa harapan nito at alam niyang mananatiling tapat siya sa kanyang mga salita hanggang sa huli.
"Ngumingiti ka diyan,"
Napalingon si Jiro sa bagong dating na si Francis. Umupo ito sa kabilang side ng immaret. Hindi niya namalayan na nakangiti rin pala siya.
"May balita ka na kay Carmela?" nakaangat ang kilay na usisa nito.
Awtomatikong lumaki ang ngiti s
