Naalimpungatan ako ng makarinig ng ilang paguusap. Naginat ako ng kaonti at nang tuluyan nang nagkamalay ang aking diwa ay agad kong napagtanto ang lugar na aking kinalalagyan. Magisa na lamang akong nakahiga at hindi ko alam kung nasaan na si Lucaz.
Nang tignan ko ang orasan, nalaman ko na magtatanghali na pala, dahilan kung bakit wala na si Lucaz sa higaan. Marahil ay nasa downtown na ito at kinakausap ang mga elders. Naalala ko sinabi niya kagabi na kakausapin niya raw ang mga ito, hindi ko nga lang alam kung ano ang kanilang paguusapan.
Naisip kong bumangon na para maligo. Hindi nga pala ako taga rito at kung umasta ako e parang ako ang mayari ng bahay. Nakakahiya! Tinanghali pa ako ng gising.
Nang matapos ko na lahat, napagpasiyahan ko na bumaba. Kanina pa kasi ako nakakarinig nan
