Mabilis ang hininga ko habang nageempake ng mga damit. Hindi na ako nagabala pang tupiin ang mga iyon dahil sa sobrang pagmamadali. Ang iba pa ay nabibitawan ko dahil sa sobrang panginginig ng aking kamay. Wala akong ibang maramdaman ngayon kundi takot. Takot para sa taong minahal ko.
Bampira.
Kuwento-kuwento lamang iyon na pinaniniwalaan naming lahat. Isang alamat na madalas naisusulat sa libro. Maraming hindi naniniwala. May ibang naniwala.
Ang bampira raw ay isa ring sugo ng demonyo. Pinagkalooban sila nito ng walang hanggang buhay at ang tanging bagay na magbibigay lakas sa kanila ay ang sariwang dugo ng tao.
Marami raw bampira noon pero dahil sa isang labanan, naubos ang lahat at wala nang natira ni isa. Isang labanan sa pagitan ng bampira at asong lobo. Marami-rami rin ang nagawa
