KATRINA
"Happy birthday Katrina." Bati sa akin ni Allan. Lunes ngayon kaya balik eskwela na. Naging malapit kami ni Allan sa isa't-isa. Na parang mag best na kami.
"Salamat Allan. Saan ang gift ko?" Pagbibiro ko sa kanya. Napakamot lamang siya sa kanyang ulo at ngumiti.
"Uso pa ba 'yun? Alam mo naman wala akong pambili." Sagot niya na naka ngiti.
"Joke lang. Ikaw naman hindi na mabiro. Bati mo sa akin sapat. Kaya halika ka, punta tayo sa canteen libre kita." Pagyaya ko sa kanya. Bago kasi ako bumalik sa condo ni Kuya kahapon binigyan ako ni Tita Shannon ng pera. Ayaw ko nga sana tanggapin dahil mayruon pa naman ako. Medyo malaki na nga ang ipon ko. Minsan binibigyan ako ni Kuya at Ate Esmeralda. Pero hindi ko naman nagagamit dahil parang lahat na gamit ko bigay lahat ni Kuya Harlem.
