NANG IHINTO ni Marco ang pick-up sa tapat ng bahay nina Tricia ay kaagad niyang napansin ang batang nagduduyan sa tagiliran ng bahay. Mag-isa lang iyon pero tila kuntento.
Pagbaba niya sa pick-up ay nakita rin siya nito. Iniwan nito ang duyan subalit hindi rin naman ganap na lumapit sa kanya.
Parang may bumundol sa dibdib niya nang ganap na matitigan ang bata. She was pretty. Ang buhok nito ay katulad na katulad ng kay Tricia subalit ang mukha, higit lalo ang mga mata ay walang pinag-iba sa mga matang nakikita niya sa tuwing haharap siya sa salamin. May kung anong nagdidikta sa kanya na hindi lamang isang pagkakataon ang malaking pagkakahawig nila ng bata.
“Ikaw si Paola?” Tila may bikig sa lalamunan niya nang magsalita.
Nakatingin lang
