“SAAN tayo pupunta?” tanong ni Tricia sa ina nang palabas ng ospital. Ipinaiwan ni Aling Tess si Paola sa mga kapatid niya. At kung saan ito magpapasama ay hindi niya alam.
Sa halip na sagutin siya ay pinara nito ang isang tricycle. “Dalhin mo kami sa Rancho de Asis,” anito sa driver.
Hindi niya alam kung naringgan lamang iyon ni Tricia. Pero hindi pa naman siya nabibingi.
“Aano tayo doon?” hindi nakatiis na tanong niya nang lulan na sila.
“Nag-offer si Marco na ipahiram ang van nila. Tutal ay wala naman daw gumagamit. Mainam na raw iyong may nakaantabay na sariling sasakyan habang naka-confine ang papa mo sa Maynila.”
“Nandiyan naman iyon owner natin, ah?” confused na wika niya.
“Service iyong sa eatery. Saka m
