"Bwisit!", inis na inis na wika ni Lira habang naglalakad palabas ng resort. Mula nang dumating sya sa resort ay puro na kamalasan ang nangyari sa kanya. Isang beses pa nga lang syang nakatulog nang maayos ang kapalit naman ay hindi sya nakakain ng maayos.
"Ahhhh!! Bwisit ka talaga Crust Ysrael!!!", sigaw nya nang makalabas na ng resort. Doon nalang sya sa labas maghahanap ng makakain, mabuti nalang ay nadala nya ang wallet at phone nya, kung hindi talagang kakalam ang sikmura nya ngayong umaga.
"Pisti ka talaga! Wala kang binigay sa akin kundi kamalasan. Bakit nakilala pa kita?!!" nanggigigil pa ring bulong nya. Kung iisipin ay nag-umpisa naman talaga ang kamalasan nya nang makilala ang lalaki. Maayos naman ang buhay nya nuon, kahit pa nagkaroon na ng sariling mundo ang matalik nyang ka
