DANICA
Diretso na sana sa resthouse ang sasakyan namin na minamaneho ng driver ni daddy nang makita namin si Jarred sa daan kaya huminto kami sa tapat nito.
“Dad?” ang patanong na bati ng aking kapatid pagkakita kay Julio.
“Sinamahan ko si Danica paparito. Tinawagan kasi siya ni Ellaina at ang sabi ay may sakit daw si Azzerdon,” paliwanag ni Daddy Julio.
“Ahh . . .”
“Totoo bang may sakit ang lalaking iyon?” tanong pa nito kay Jarred.
“Kagabi oo, pero okay na yata ngayon.”
“Nasaan na siya?” tanong ko.
Bago pa lang sasagot si Jarred ay napalingon na kaming tatlo sa likuran nito nang may marinig kaming tila kumalabog sa bubong. Pagkuway nanlaki ang mga mata ko nang makita ang isang lalaki na nahulog o tumalon mula sa itaas niyon.
“Si Azzer iyon, ah? Akala ko ba ay may sakit? Bakit na
