ELLAINA
Natuwa ako nang dumating si Raiko sa rooftop kasama si Trixie. At least hindi na ako masyadong mabo-boring kay Azzerdon, ang kapatid kong feeling genius. Oo nga at mataas ang IQ nito pero hindi iyon batayan para magyabang siya at magpanggap na Professor. Paano ako ga-graduate kung ito ang magtuturo? Ayoko lang talagang makipagtalo pa kaya tinanggap ko ito as my tutor.
“Ano bang role ko rito? Hindi naman nursing ang course ko, bakit mo ako pinapunta?” tanong ni Raiko kay Azzerdon.
“Kailangan ka ni Ellaina as practicing—”
“Ano? Practice na naman? Baka kukuha na naman iyan ng dugo—naku! Ekis ako diyan!” ang pagkakatanggi ni Raiko na ikina-irita ko.
“Hindi 'yon. CPR pumping lang,” ang natatawang pagtutuwid naman ng aking kapatid.
“Ayown! Buti naman. Akala ko'y dugo na naman, eh.
