“ZAYD…” bulong ni Elli pero ang totoo parang bomba iyon sa pandinig niya. Hindi niya akalain na sa dami ng taong makikita niya ngayon doon sa opisina ay ito pa.
Maging si Zayd ay nagulat nang makita siya pero walang kahit anong emosyon ang mukha nito. Agad itong nagbawi ng tingin at tumingin kay Mr. Manuel.
“Maupo ka na rito, Ms. Sandoval, dahil kanina ka pa talaga namin hinihintay,” pero ang ipinagtataka niya ay tumayo ito at lumalakad papalapit sa kaniya. “He wanted to cancel the deal,” nag-aalalang bulong nito sa kaniya nang makalapit. Hindi na siya nagulat dahil nasabi naman na sa kaniya iyon ni Ms. Vien.
Hindi na siya nakasagot dahil magkakasunod na katok ang narinig nila sa pinto. Binuksan niya ulit iyon dahil alam niyang si Sheli iyon at dala ang proposal na pinakuha niya.
“Than
