“DADALHIN mo talaga ang lahat ng iyan?” usisa ni Patrick kay Kricel habang pinanonood siya nitong mag-impake ng kanyang mga damit at gamit. May isang maleta na siyang naiayos. Itong pangalawang maleta na lang ang inaasikaso niya.Mas maliit na ito kaysa sa nauna.
Dalawang araw na ang lumipas magmula nang dumating si Patrick at pinilit siyang sumama rito pabalik ng Malaysia. Ayaw niya talaga noong una pero nang masiguro niyang ayaw siyang tantanan ng lalaki ay napilitan na siyang pumayag.
Nangako naman ito na sisiguruhing hindi malalaman ng kanyang ate niya at mga magulang ang kanyang pag-alis na kasama ang bayaw niya. Iyon kasi ang pinakamalaking pinoproblema niya kaya hindi siya kaagad pumayag sa gusto nito.
Pagkatapos niyang pumayag ay ibinilhan siya agad ni Patrick ng tiket. Ito na ri
