“HEY! MAY problema ba, Rosaline? Ayaw mo ba sa pagkain? Bakit hindi mo naman ginagalaw iyang laman ng plato mo?” nagtatakang tanong ni Kentt. Kanina pa siya kumakain pero ang dalagang kasama niya ay parang wala yatang gana na kumain.
“Pasensiya na, ha? Hindi naman sa ayaw ko sa pagkain. Pero kapag naaalala ko iyong nangyari last week, nawawalan ako ng ganang kumain. I’m sorry, Kentt.”
Napalunok si Kentt. May masama bang nangyari kay Rosaline noong wala siya?
“Ano bang nangyari? Ikuwento mo nga sa akin.”
Narinig niya ang pagpakawal ni Rosaline ng malalim na buntunghininga.
“Ayokong manira ng ibang tao. Kaya kung hindi ka maniniwala sa sasabihin ko, okay lang sa akin. Maiintindihan kita.”
Napakunot ang noo ni Kentt. “Ano ba ang sinasabi mo? Bakit naman hindi ako maniniwala sa iyo? You
