HALOS madapa na si Kricel sa pagmamadali niya. Kanina pa kasi nag-iingay ang doorbell sa apartment niya. Abala naman siya sa paglalaba sa banyo kaya hindi niya agad narinig. Nang marinig niya ay nagmamadali na siyang lumabas ng banyo.
Hindi na siya nakapagpalit ng kanyang damit. Nagpunas na lang siya ng kanyang mga kamay saka humarap din siya sa salamin bago niya tinungo ang pintuan.
Wala siyang inaasahang bisita maliban sa mga magulang niya at sa kanyang ate. Pero imposible namang sila ang nasa labas ng pintuan dahil kahapon lang ay kasama niya ang mga ito. Malamang delivery boy siguro ang nagdo-doorbell. Baka ihahatid na iyong in-order niyang mga gamit ng baby.
Ngunit pagbukas niya sa pintuan ay nabungaran niya ang hindi niya inaasahang tao.
“Patrick? Anong ginagawa mo rito?”
“Hi, K
