PAUWI na dapat si Joel sa bahay niya pagkatapos ng kanyang dinner meeting sa isang ngunit biglang tumawag ang mommy niya at sinabing isinugod daw sa ospital ang daddy niya. Nagmamadali siyang lumabas ng Majesty Restaurant. Halos paliparin niya ang kanyang SUV sa kalsada. Kaya wala pang kalahating oras ay nakarating na siya ng The Medical City.
Naabutan niya ang kanyang ina sa labas ng operating room. Nakaupo ito habang umiiyak. Agad niya itong nilapitan. Yumakap naman ang mommy niya nang makita siya. Hinayaan niyang umiyak ito. Naramdaman niyang basang-basa ang suot niyang coat dahil sa luha ng kanyang ina.
“What happened to daddy, mommy?” usisa niya nang pansamantalang tumahan ang ina at kumalas sa pagkakayakap sa kanya.
“Kaninang kumakain kami ay bigla na lang siyang nahirapang humin
