XERXES
“Nakita siyang lumabas sa second gate ng university. Sumakay sa taxi at tumuloy sa isang motel kagabi,” pagbabalita ni Mamita nang dumating ako ng bahay. Lunch pa lang pero umuwi na ako.
“Is she still in the motel?”
Umiling siya sa akin. “Ayon kay Condrad, sumakay siya sa isang bus papuntang South Luzon kaninang umaga. Ang problema lang natin, hindi natin alam kung saan ang punta niya.”
Napasuklay ako sa buhok ko. Bakit mas pinili niyang umalis? Bakit hindi na lang niya ako kinausap kung may problema o may nalaman man siya? Handa ko naman sagutin ang mga tanong niya. Pero sana hindi niya ako iniwan ng ganito.
Ngayon, alam ko na ang pakiramdam na iniwan ng walang paalam. Ganito rin ba ang nararamdaman niya dati? Gusto ko siyang puntahan pero hindi ko alam kung nasaan siya,
“May
