NIKITA’S POV
“Nikita,” nahihirapang saad niya sa pangalan ko.
“Ang hirap kasing gawin ang gusto mo kung hindi ko alam kung ano ba talaga ang nangyari dati. Paano ako magtitiwala sa iyo kung hindi ka honest sa akin?”
Sumandal siya sa kinauupuan niya. Iyong simpleng almusal lang sana namin ay biglang naging iba na ang takbo ngayon. Kung kanina ay nagbibiruan pa kami, ngayon ay pareho na kaming seryoso habang magkaharap sa mesa. Hindi pa kami tapos kumain pero mas mahalaga ang pinag-uusapan naming dalawa ngayon.
“Siguro naman kahit sobrang late na. deserve ko naman siguro ang paliwanag mo, hindi ba? Nasaktan ako noon kaya hindi mo ako masisi ngayon kung bakit natatakot akong makipaglapit talaga sa iyo. Kasi paano kung maulit lang ang nangyari dati? Paano kung masaktan lang din ulit ako sa
