DOZ’s POV
Ang tagal bumalik ni Iza. Kanina pa siya sa restroom. Ganoon ba kalakas ang kaba niya? O natatakot talaga siya na sabihin namin sa lahat ang tungkol sa relasyon namin?
Naiinip na sila rito. Ilang beses na akong nagsabi ng sandali na lang.
“Hintayin lang po natin si Iza,” sabi ko sa kanila. Nakangiti pa ako, kahit kinakabahan na rin tulad niya.
Nagpasya akong sundan si Iza. Papatayo na sana ako nang biglang sumulpot si Mr. Zamora.
Humahangos ito. Tila nanginginig ang mga kalamnan. Kapag may dinner kami, si Eulyn ang dumarating—hindi ang Daddy niya na siyang nandito ngayon.
“Mr. Martin, we need to talk.” Napalingon ang lahat sa kaniya. Ngunit ang mga mata niya ay kay Daddy at sa akin napunta.
“Join us, Mr. Zamora. Mukhang napakaimportante ng sadya ninyo.”
“Excuse me, punta
