DOZ’s POV
“Wala si Iza!” Bumalik ako sa dining area para ipaalam sa kanila.
“Nasaan siya?” Tumayo agad si Papa Lex. Puno ng pagtataka at katanungan. “Titingnan ko sa bahay.” Tumayo siya at nagmamadali siyang lumabas.
“Sasamahan kita, Papa Lex,” sabi ni Ivez at sumunod agad.
“Baka nasa paligid lang siya,” sambit ni Mommy, pilit na pinapakalma ang sarili.
“Maghiwa-hiwalay tayo. Hanapin natin siya,” mungkahi naman ni Daddy.
Sumunod ako kina Papa Lex at Ivez. Sumakay pa ako sa kotse ko, kahit magulo ang isip ko. Biglaan ang pag-alis ni Iza. Bakit siya umalis nang walang pasabi? Hindi naman siya ganoong klase ng tao.
Papasok pa lang ako sa gate nang masalubong ko sila.
“Wala ang kotse niya,” mahina at nanginginig ang boses ni Papa Lex.
Hindi ako naniwala. Bumaba agad ako at dumiretso s
