DOZ’s POV
Naging bahagi na ng umaga ko ang pagpapadala ng text message sa girlfriend ko. Bago matulog, siya ang laman ng isip ko. Pagkagising, ang magandang mukha niya agad ang bumubungad sa akin.
Hindi na mawaglit sa isipan ko ang kaniyang anyo—mas higit ngayon kaysa noon.
Tulad ngayon, paulit-ulit kong binabalikan ang nangyari kagabi.
Plano kong dumaan sa kanila, ngunit baka tulog pa siya. Gabi ko na siya naihatid, at tanghali na rin ako nagising. Kailangan kong magmadali—may MANCOM meeting kami sa MGE at mahalaga ang attendance ko.
Mas marami na akong oras sa opisina kaysa sa school. Umalis na ako sa pagtuturo; sa susunod na semestre, hindi na ako professor. Nanatili akong school director matapos ang botohang naganap, batay na rin sa share na hawak ng pamilya namin.
Sa tuwing nai
