HINDI nakisabay sa gulo si Lola Ester kanina lalo't sobra ang tensyon sa mga naganap. Alam niya sa sarili niyang pinagsinungalingan siya nina Georgina at Juancho pero kahit na may kaunting galit sa kanyang puso, mas nangingibabaw pa rin ang kasagutan sa mga tanong sa isip niya na nais niyang marinig mula mismo sa dalawa.
Kinabukasan niyon ay maagang kinatok ni Lola Ester ang unit nina Juancho at Georgina. Mabilis naman siyang pinagbuksan ng dalaga pero maging siya ay tila wala nang mukhang maiharap sa matanda. Malungkot ang noo'y kumikinang niyang mga mata.
"Sorry, Lola." Iyon na kamang ang tanging naibulalas niya sa nakataas kilay na si Lola Ester.
Napasinghap ang matanda. "Gusto kong marinig ang paliwanag n'yo," anito pa saka dumiretso sa loob at naupo sa sala.
"Juancho, narito si
