UMAGA pa nang magpasya sina Georgina, Juancho at Lola Ester na umuwi sa El Fuego. Mainam na 'yon para makarating rin sila do'n ng maaga at maayos agad ang gusot na ginawa nila. Mabuti na lang at nagpasya ring sumama sina Enzo at Sandra. Walang problema sa work dahil nag-file sila ng temporary leave.
Buong biyaheng tahimik lang si Georgina. Nakasilip sa bintana ng sinasakyang kotse na pinagmamaneho ni Enzo.
Hinawakan ni Juancho ang kamay ng dalaga. "Binibini, h'wag ka nang malungkot riyan. Aayusin natin ito, magtiwala ka."
Bumibilis na naman ang t***k ng kanyang puso. Napatingin siya sa kanyang kamay na hawak-hawak ni Juancho. Sana ay hindi ka na bumitiw, Juancho. Sana, palagi ka na lamang nasa tabi ko para palakasin ang loob ko. Wika niya sa sarili.
"Maraming salamat, Juancho." Tangi
