Kinaumagahan ay pinatawag ni Aling Gina ang anak pati na rin ang mga kasamahan niya. Ngayon ay magkaharap silang lahat sa sala at nagtititigan. Walang kahit isang nagtangkang magsalita.
"Uh, are we playing some staring game right now?" komento ni Sandra para basagin ang nakakabinging katahimikan.
"Ehem," ani Aling Gina. "Nakapag-isip-isip na kami ng Papsy mo." Tiningnan niya si Georgina.
"P-Po?" sagot ng dalaga.
Lahat sila ay nakaabang ng sasabihin ng ina ni Georgina.
"Oo na at pinatatawad ka na namin."
Nanlaki at bumilog sa saya at pagkagulat ang mga mata no'n ni Georgina. Napatalon ito sa tuwa at napatakbo sa ina niyang noo'y pilit nilalabanan ang pagngiti.
"Mamsy! Huhu! Bati na tayo? Totoo na ba 'to?" aniya na maluha-luha pa. Sobrang saya ang nararamdaman niya ngayon dahil sa
