HAPON na nang makauwi na ang Papsy ni Georgina mula sa trabaho ay nadatnan niya ang asawa niya at ang mga bisita nila na nagkukumpulan sa sala. Napatingin sa kanya ang lahat maging si Georgina na nag-aalangang lumapit sa Papsy niya. Noon ay tuwing uuwi ito, bubungad agad siya para halikan ang Papsy niya. Ngayon hindi niya alam kung tatayo ba siya para hagkan ang Papsy niya.
"Ano? Wala bang yayakap sa 'kin riyan?" pagpaparinig ni Mang George dahilan para mangiyak-ngiyak na mapatayo si Georgina at napatakbo sa kanyang Papsy. Niyakap niya ito ng napakahigpit.
"Papsy!" aniya sa pagitan ng pagyayakapan nila.
"Ang sweet! Nakakainggit naman" Si Sandra.
"O, ba't mo ko niyayakap. Ang Mamsy mo ang pinaparinggan ko, hindi ikaw," pagbibiro pa ng Papsy niya.
"Papsy naman, e!" pagmamaktol ni Geor
