Napakurap-kurap nang mabilis si Jesse. Nananaginip ba siya? Talaga bang narinig niya ito nang tama? Napaawang ang kanyang mga labing iniwan ng daliri nito.
“If you’d give me a chance—” dagdag ng lalaki.
Itinaas niya ang palad upang patigilin ito sa pagsasalita habang nagtaas-baba ang kanyang dibdib. “Trevor, hindi ko alam kung ano ang isasagot sa ‘yo,” marahang aniya. “Si Chester… ayokong magugulo ang buhay niya. Bata pa siya. Hindi niya maiintindihan kung sakaling hahayaan kitang maging parte ng buhay namin.”
“He deserves to have a father, Jesse,” mahinang sabi nito.
Napalunok siya. “P-pero…” Natigil na lang siya sa pagsasalita nang makita niyang hinubad nito ang kuwintas na suot. Nanlaki ang mga mata niya nang makita ang lotus pendant niyon. Iyon ang bigay sa kanya ng namayapang ama
