Alas-otso na ng gabi nang makauwi si Franco galing sa Maynila. Tahimik na ang mansyon at mukhang nagpapahinga na ang mag-ina nya sa itaas.
Kaagad syang pumanhik sa hagdanan upang tunguin ang silid nila ni Kamille. Naabutan nya itong nakahiga habang nagbabasa ng libro. Si Mathew ay tulog na sa tabi nito.
"Mahal nandyan ka na pala. Bakit ginabi ka?" ani Kamille sa kanya nang pumasok sya sa silid.
"Marami akong inayos sa opisina Mahal," sagot naman nya kay Kamille.
Ang totoo ay bumili na din sya ng singsing dahil aalukin na nya ito ng kasal, pero totoo din naman na madami syang inasikaso sa opisina.
"Ipaghahanda muna kita ng pagkain," ani Kamille sa kanya at tumayo ito.
"Salamat, gutom na nga ako," sagot naman nya.
Hinalikan sya ni Kamille sa labi bago ito tumalikod, pero mabilis ny
