Nakaramdam naman ang mga kasamahan nila kaya agad na nagsipagtayuan.
“Boss, mauna na po kame,” ani Lisa.
“Bok, sabay na ko sa kanila,” ani Parick sabay tapik sa balikat niya.
“Ang daya niyo naman. Kakarating ko lang, eh,” angal niya.
Tatayo na rin sana siya pero agad na nahawakan ni Zander ang kamay niya.
“Ano ba’ng problema? Okay tayo kanina hindi ba? Ano ba’ng kasalanan ko?”
“Wala.’ Wag mo na lang ko’ng pansinin.”
Binawi niya ang kamay niya pero muli ‘yung inabot ni Zander.
“Umupo ka nga muna,” ani Zander sabay usog ng silya sa kanya.
Umupo siya sa tapat ng binata pero hindi siya nag-aangat ng ulo. Hinila ni Zander ang silya papalapit sa kanya atsaka iniangat ang ulo niya. “Nagseselos ka ba?” nangingiting tanong nito habang nakahawak sa mag
