WALANG mga ilaw ang ibang gusali sa siyudad na iyon kaya mayroong mga lansangang madilim. Nagiging maliwanag lamang sa pagdaan ng bilang lamang sa daliri na mga sasakyan. Nagtataka man kung bakit patungong kanluran ang direksiyon ni Paco na sa anyong lobo ulit nito itinikom niya lang ang kaniyang bibig. Hinigpitan niya na lang ang kapit sa leeg nito nang hindi siya mahulog sa tuwing tumatalon ito mula sa isang gusali palipat ng kasunod.
Huminto lamang si Paco sa tuktok ng isang gusali katabi ng tangke ng tubig nang makarating sila ng lansangang buhay na buhay kahit mahirap ang lugar na iyon. Makukulay ang mga karatulang nakakabit sa mga pader na karamihan ay puro mga aliwan. Nang pinagmasdan nito ang kalsada sa ibaba napasunod na lang din siya.
"Nariyan sa dilaw na sasakyan ang kaibiga
