Nagising si Joaquin sa tawag ng kalikasan. Nananakit din ang tiyan niya at pakiramdam niya ano mang oras ay sasabog na iyon. Kahit nagtatalo ang antok at p*******t ng tiyan ay pipikit-pikit siyang bumangon at lumabas sa kwarto ni Yana upang magtungo sa Banyo.
Pero ng bubuksan niya ang gripo sa banyo ng kwarto nila ay walang tubig maski patak. Wala pa namang stock doon dahil wala ring balde na puwedeng paglagyan. Inis niyang hinampas ang gripo at nagpasyang bumaba sa kusina upang doon na magbawas. Mabilis pa siya sa alas kwatrong nakababa sa banyo. Mabuti na lang at may malaking drum ng tubig doon. Banyo kasi iyon ng mga katulong.
Natagalan siya sa pagbabawas dahil pakiramdam niya ay hindi nauubos ang nais lumabas sa katawan niya. Namumuo na ang pawis niya sa sobrang kirot na nararamdaman
