Simula pa ng nagdaang gabi ay hindi makatulog ng maayos si Joaquin.Pinilit niya na lang ipikit ang mga mata kaninang alas tres na ng madaling araw para naman hindi siya nangangalumata ngayong umaga.
Ito na kasi ang araw na pinakahihintay niya. Ang araw ng kanyang kasal!
Papaliwanag pa lang. Napabuntong-hininga siya. Hindi niya kasi maintindihan ang sarili sa halo-halong emosyon na nararamdaman. Masaya siya, kinakabahan at excited. Alas nuebe pa naman ang simula ng kanilang kasal pero parang gusto niya na hatakin ang oras upang mapabilis na iyon.
Isang linggo niya na ring hindi nakikita si Rosana at aminado siyang nami-miss niya na ito nang sobra.
Bago lumabas ng kanyang silid ay pinasadahan niya ulit ng tingin ang magarang suit at slacks na isusuot niya ngayong araw. Dirty white ang ku
