Matapos ang ilang linggong pananatili sa poder ni Estrella at nakakuha ng malaki-laking halaga ay nagpasya siyang bumalik ng bicol. Nagsinungaling siya kay Estrella na kukuhain niya lamang ang kanyang ina pero ang totoo ay hindi na siya babalik pa doon kung sakali mang sumama sa kanya si Rosana.
Ilang araw lang mula ng pumayag siya sa kagustuhan ni Estrella ay niyaya siya nitong magpakasal na. Doon siya natakot. Agad na nagbago ang pasya niya pero sinarili niya lamang iyon, sa halip ay ginamit niya iyong paraan upang makagawa ng kasinungalingan at makaalis sa poder ng matandang babae.
Kaagad namang naniwala ang matanda sa dahilan niya para makauwi pero hindi niya sinabi kay Estrella ang tunay niyang probinsiya sa takot na masundan o pasundan siya nito doon. Upang mas lalo pang maniwala a
