NANG sumunod na umaga ay nagtaka siya dahil abala ang lahat ng kasambahay sa kusina pagpunta niya roon. Hindi siya nakabangon kaagad kanina dahil napuyat siya kakaisip kay Magus at madaling araw na siyang nakatulog kanina. Hindi rin siya inabalang gisingin ni Aling Conching dahilan kaya siya nagtataka ngayon bukod sa nakikitang kaabalahan ng mga tao. Bukod pa roon ay may nakita siyang ilang tauhan ng hasyenda sa palayan na nasa sala at nakasalubong niya. Mukhang abala rin ang mga ito.
Paroo’t-parito ang mga tao at parang hindi magkandaugaga. Napansin din niyang may ilang hindi nakatira sa villa ang naroroon at kasamang kumikilos. Sa tingin niya ay nagluluto ang mga ito ng kung ano-ano at hindi niya alam kung para saan. Halo-halo ang gulay at karne. Pang mga seafoods din. Pinapangunahan iy
