Valentina
AGAD akong lumayo kay Kayden nang makita namin si Vladimir sa harapan namin. Hindi lang ako sigurado kung dahil ba nahihiya ako na may nakakita sa amin ni Kayden sa ganoong posisyon o dahil…inilingan ko ang sarili, hindi gustong isipin ang kung ano mang ideya na pumapasok sa isipan ko.
Madilim ang ekspresyon ni Vladimir habang nakatingin siya kay Kayden. Nakakunot din ang noo ni Kayden. Tumayo ako para maputol ang tensyon sa pagitan ng dalawa.
“Anong ginagawa mo rito, Vladimir?” Tumingin pa ako sa may pinto. Paano siya nakapasok dito?
“Isn’t it obvious? I am visiting my son.”
Tumayo rin si Kayden at lumapit sa akin. Ipinulupot niya ang kamay niya sa baywang ko at hinila ako sa tabi niya. Ikinabigla ko iyon kaya’t napatingin ako sa kanya.
“Mr. Vasiliev,” pagbati niya kay Vla
