Valentina
“AT IYON ang nangyayari sa buhay ko ngayon.”
Nagkita kami ni Ayla. Wala siyang sinayang na oras. Nang sabihin niya sa akin na nasa Manila siya, agad siyang nakipagkita sa akin.
“Well, hindi na ako magugulat,” sabi ni Ayla. “I mean, hinanap ka niya ng sampung taon.”
Kanina niya pa sinasabi sa akin na hinanap ako ni Vladimir nang mawala na lang ako bigla, pero hindi ako naniniwala. Bakit niya naman ako hahanapin?
Kinabahan ako. Alam niya kayang nabuntis ako bago umalis?
“Hindi mo siya kailangang kampihan.”
Umiling si Ayla sa akin. “I swear, friend. Hindi ko siya kakampihan. That’s the last thing I would do. Masaya ako na nakakita ka ng lalaking pakakasalan mo, okay. Pero totoong hinanap ka niya. Nag-away pa nga kami noon dahil iniisip niyang itinatago kita. Muntikan na kamin
