Ramdam ko ang init ng apoy sa balat ko habang nakaupo kami sa paligid. Yung iba, halatang lasing na, may nakahiga na sa buhangin, may tumatawa mag-isa habang hawak pa rin ang bote ng alak, at si Linux halos masunog na ang marshmallow kasi hindi na niya iniikot. Si Tres naman, hawak ang gitara, pinipilit kantahin yung luma niyang paborito pero paminsan-minsan hindi tugma ang lyrics kasi lutang na rin sa alak.
Ako, tahimik lang. Hawak ko ang baso ng tubig, pinagmamasdan lang sila. Gusto ko lang i-enjoy yung gabing ‘to, yung alon sa tabi namin, yung liwanag ng apoy, yung amoy ng inihaw na isda na kumakapit sa hangin.
Nakaupo siya sa tabi ko kanina, pero ngayon, dahan-dahan niya akong hinila papalapit hanggang sa napaupo na ako sa kandungan niya. Doon naman talaga ako dapat nakaupo mula pa k
