Nanginginig ang mga kamay ni Thisa habang hawak niya ang maliit na clutch bag na ipinadala sa kanya ni Coreen kasama ng address ng bahay nito. Ilang ulit niyang tinanong ang sarili kung pupunta ba talaga siya o hindi pero sa tuwing naalala niya ang ngiti ng babae, nakokonsensya siya.
Isa lang siyang janitress, at ang pupuntahan niya ay birthday party ng isa sa mga pinakamayamang babae sa siyudad, pero ito at inimbita pa siya nito.
Pero hindi siya marunong tumanggi kay Coreen. Mula nang ayusan siya nito para sa company anniversary, hindi niya malimutan kung gaano ito kabait at gaano kahigpit ang kapit ng ngiti nito sa puso niya. Kaya ngayon, kahit natatakot, kahit ramdam niya ang pagiging out of place niya, pinili pa rin niyang pumunta.
Pagbaba niya ng taxi, agad siyang napatigil dahil
