Mataas na ang sikat ng araw, napasarap pala ang tulog ko. Hindi ko manlang naabutang umalis si Orwa, hindi rin naman ako ginising.
Humikab ako habang umuunat pa. Ngayon na lang ulit ako nagising ng ganito, wala na kasing trabaho. Sulitin ko muna kahit papaano ang bakasyon na ito.
Tamad na tamad akong lumabas sa kwarto, lumakad ako papunta sa kusina at nakita ang pagkaing nakatakip sa mesa. Kumunot pa ang noo ko habang kinukuha ang isang papel na nasa itaas nito.
"Good morning mahal, kumain ka na. Hindi na kita ginising, mukhang pagod na pagod kang linisin ang kwarto mo. I love you," kilig na kilig kong basa dito. Mabuti na lang ako lang mag-isa dito. Siguro kung nakikita ako ng mga butiki, langgam at ipis iisipin nilang baliw ako.
Buhay na buhay ang dugo ko habang kumakain ng nilutong
