Tirik na ang araw at hindi naman gaanong ramdam ang mainit na kapaligiran, dahil mas nangingibabaw pa rin ang malamig na simoy ng hangin. Payapa pa rin ang kapaligiran at maging ang utak ko ay naging payapa na rin.
“Saan nagpunta ang dalawa?” tanong ko kay Orwa habang nakatingin ako sa paigid. Kanina ko pa hinihintay sina Sunny at Rick, kanina pa rin sila nagpaalalm na maglalakad lang muna sa paligid, ngayon hindi pa sila bumabalik sa kubo.
“Hayaan na muna natin sila, gusto lang nilang magsama kahit ngayong oras lang. Tayo rin kung gusto mo. Labas muna tayo, ilang oras na lang uuwi na tayo,” saad ni Orwa.
Kanina lang umaga magkasama kaming naglalakad sa pampang, ngayon naman babalik ulit kami. Katatapos lang naming kumain kanina, kaya nakasama ko pa ang dalawa, mukha nga ata talaga na
