“Uuwi na ba talaga tayo? Hindi ba pwede na dito muna tayo?”
Mahahalata sa boses ni Sunny na nabitin talaga siya sa bakasyon namin.
“Hindi na pwede, dalawang araw lang tayo dapat dito. Tapos may trabaho pa tayong lahat,” sagot ni Rick.
Nakatamdy kami muli sa pampang habang naghihintay kami ng bangka na maghahatid sa amin sa kabilang isla. Naroon kasi ang sasakyan ni Rick, iniwan niya muna ito sa isa niyang kamag-anak, dahil hindi niya naman ito madadala sa pagtawid ng bangka.
“May trabaho pa tayo bukas lahat, kaya panigurado na pagod talaga tayo,” ako naman ang nagbigay ng salita. Alam kong kailangan naming pumasok ni Orwa bukas, nakakahiya naman sa mga boss namin kung aabusuhin ko na masyado ang kabaitan nila sa amin. Hindi naman pwede na dahil mabait sila, kailangan na rin namin
