Malamig ang pagtama ng hangin na magmumula sa aircon, pero daig pang may waterfalls ang kamay ko sa pamamawis. Ngayon ang unang araw ko sa trabaho.
"Sunshine Olivares!" Isang sigaw pagtawag sa pangalan ko ang lalong nagpakaba sa akin. Bumuga ako ng malalim na paghinga bago tumayo at lumakad palapit sa kaniya.
Nakasuot ako ng white polo shirt at black pants. Wala pa akong uniform kaya ito muna ang sinuot ko.
"Good morning ma'am," bati ko rito.
Tumaas ang manipis niyang kilay, parang isang guhit lang 'to ng lapis. Singkit ang mga mata nito na may makulay na purple eyeshadow, may katangusan na ilong at may kulay pulang lipstick. Pinilit kong ngumiti kahit na hindi siya ngumiti sa akin. Mukhang masungit ang manager ng SL Café.
"Sumunod ka sa akin, ipapakita ko sa 'yo lahat at makinig k
