Palubog na ang araw, habang kaming apat ay sa tabing dagat ulit nakatambay. Kanina pa kami nagtatawanan na para bang walang bukas at walang mga kinaharap na problema.
“Ano na ang gagawin natin? Gusto niyo bang maligo na tayo ng dagat ngayon?” tanong ni Orwa.
“Mukhang mas maganda nga kung maligo na lang tayo,” sagot ko.
Kanina ko pa rin naman talaga gustong maligo, hinihintay ko lang silang dalawa. Tapos na rin naman ang kalokohan namin ni Sunny, isa pa, sayang kung dito lang kami at magtitigan. Mas maganda kung nakababad na ang katawan namin sa dagat.
“Mag-bikini ba tayo?” tanong ni Sunny. Nang sabihin niya ito ay agad akong napatingin kay Orwa, alam ko na agagalit ito kapag nagbikini ako. Naalala ko pa noong may team building kami, noong nagalit siya sa akin dahil nga gusto kong
