Simula noong narinig ko ang mga sinabi ni Orwa hindi na rin ako nakatulog. Nasa loob lang ako ng kwarto habang nakatulala lang sa malayo. Ang dapat kong panonood ng movie, hindi ko na nagawa pa. Maging ang pagkain ko ng ice cream. Natunaw na lang ito na parang pagkatao ko.
Tuluyan nang tumagos ang sikat ng araw mula sa bintana. Siguro kanina pa rin si Orwa gising, kung natulog nga siya matapos nang madaling-araw na 'yon.
Ngayon ko na lang ulit natanong ang sarili ko, ngayon ko na lang natanong kung palagi nga ba itong ginagawa ni Orwa. Kung palagi nga ba siyang nagigising ng madaling-araw para lang isipin ang mga bagay na hindi niya sinasabi sa akin.
“Dapat ko ba siyang tanungin?” tanong ko sa sarili ko. Ilang beses ko na nga bang tinanong ang mga salita na ito? Ilang beses ko na ba
