Natapos ang trabaho ngayong umaga, habang ang lahat ay nagtatakbuhan para maunang makalabas.
Matapos kong magtanggal ng hairnet at maisara ang locker, dumiretsyo na ako palabas. May dumadaan na L300 dito papuntang SM. Mabuti na lang talaga ay may dala ako palaging extra t-shirt. Hindi ko na nasabihan si Orwa. Bahala siyang umuwi mag-isa, tutal saulado naman na niya pauwi.
Nag-text at tumawag ako kay Sunny pero hindi siya sumasagot. Kaya kay lola niya ako tumawag, nakalabas na daw siya ng hospital at nasa bahay na. Natutulog sa kwarto, mukhang mahirap dumalaw. Baka maistorbo ko pa siya.
Dahil mapanatag na rin ako sa kalagayan niya, nag-text na lang ako ng ilang paalala para hindi na muling umatake ang ulcer niya.
"So ano ng gagawin ko? Saan na ako pupunta?" Kausap ko sa sarili. Napatin
