Napainda ako sa sakit ng ulo ko, dahan-dahan pa akong tumagilid para umayos nang higa.
Ano bang nangyari at ganito kasakit ang ulo ko? Parang pumipitik at pinipiga ang utak ko.
"Gising ka na ba?" Seryosong tanong ni Orwa. Kumunot pa ang noo ko at idinilat ang isang mata, nanlalabo pa ito pero tanaw ko ang pwesto ni Orwa.
Nakaupo siya malapit sa kama ko at nakadikwatro, nakahalukipkip din ito habang ang kaniyang leeg ay nakatagilid. Para siyang magulang na nag-aantay sa paliwanag ng anak na may ginawang kalokohan.
Muli akong pumukit at dahan-dahang tumalikod sa kaniya, mabilis akong nagtakip ng kumot bago idinilat ang mga mata.
Nakakainis! Ano bang ginagawa nito sa kwarto ko? Hindi porket mag-jowa kami basta na lang siyang papasok sa kwarto ko.
"Tumayo ka na, baka lumamig pa ang ni
