“Ingatan mo ulit jowa mo, andyan na naman ang babaeng haliparot.”
Napalingon ako matapos na may bumulong sa akin. Si Marga ulit ito na dumaan sa likuran ko habang may dalang tray. Dahil sa banta na sinabi niya, napatingin ako sa paligid para lang hanapin ang babae na tinutukoy niya.
“Si Lyka nga,” bulong ko sa sarili ko.
Hindi ko na sana siya gusto pang tingnan, pero agad niyang nakuha ang atensyon ko matapos na lumabas si Orwa sa kusina kasama si madam Deborah. Dahil dito ay parang umiinit na bulkan ang ulo ko. Hindi ko alam kung bakit biglang lumabas si Orwa, hindi naman niya trabaho rito. Ang sabi sa akin ng manager namin, dapat palagi lang nasa kusina si Orwa, lalabas lang siya kapag kailangan na kailangan. Ngayon, bakit naman bigla siyang lalabas dahil lang andito ang anak ng
